zaudobija san napisat da je šjor smoji( za one koji bi tili više znat kliknite na smoje) bila godišnjica da nan je partija...sičan se ka san bija dite živili smo u senjsku u velome varošu...za one koji neznaju to van je u dil splita ispod merjane...priko puta u senjskoj kali malo ukoso van je živija šjor smoje...uvik se čula makinja koja je tukla na kartu...sičan se da je uvik nosija jedan boršin sa librin karton i penkalan...ma ča mi je žal da ga više nima...judi moji koje bi to danas bile otrovne strile koje bi šjor smoje pisa...o ovima ča nan čaraju životima i uvjeravaju nas da nan činidu dobro...e moj šjor smoje da vidite kakva je riva, get i ostali dili splita triba bi van još jedan život da bi o temu mogli pisat...
moran van prišapjat da su oni ča su prodali cimenat za poravnat rivu dali nagradu temu projektu...to van je ka da bi ja mojoj sestri da nagradu...
šjor smoje nima više nikoga ko piše o našemu gradu...u novinan di ste vi pisali samo su gole ženske tajkuni, brodi, auti, tehnobetoni, višala i dizalice u điru...siguran san da bi vi šjor smoje napisali da bi umisto palmi tribalo na rivi posadit banane...kako i mirita...kakva nan je država taka nan je i vegetacija...ajde neču vas daje gnjavit...bija san u žrnovnici na papin grob pa san usput povirija i kod vas...na matejuški nima ništa novega...oni spomenik u vašu čast još ni postavjen...nike su bombe rašpe i rivolveri u điru...oli tako ništo...mekli su kondut i malo je dricali...kad bude gotovo poslat ču van par litrati...a onda i morete pokazat bebiću popadiću luiđiju bepini zdravki šantičima borisu...ono malo ča je vajalo je partilo a mi pušemo u vitar tako da nima ni šušta ni gušta... ajde svitu moj kliknite ovod ništa kontra splita...
