prije nego počnen pisat novi post tija bi ženama čestitat njiov praznik...ne dajte se...pamet u glavu...skula... lavura...karijera...papani bi i svoju ženu porobili ka ča su splisku rivu koja je bidna ženskega roda porobili...a najskolin vas...ne dajte se...i nafeštajte se barenko danas...
svitu moj neču sad više nikoga napadat vengo ču dat par konplimenti...nabasa san na onu fureštu banku vizavi mauzoleja cara dioklecijana...judi od struke su ostavili ovu kolonadu i bokunič tleva ispod ovega cakla...ma dobro pogledajte kako je bovan uvatija lipu zelenu boju i jema starinski tinbar...a deboto dvista metri daje na RIVI su arheolozi našli četiri spliske rive...mletačku forticu i ostatke jugozapadne kule od Palače...ma da se to nije moglo prezentirat ka ča je ovod na tlevu banke...
pa onda kad pane noć da sve bude lipo osvitljeno sa indirektnin svitlon...a tamo di marmontova jubi RIVU isto tako ostavit jednu caklenu ponistru na tlevu ali sa jednon bužon di bi izlazija vonj o sunpora...a pokraj brončana tabela na kojon bi na puno jezika napisano bilo ča to vonja iz te buže...a ka nan navalidu furešti i počmu tuč litrate...jedan gori prima zidinama PALAČE drugi doli na tle di su arheološki ostaci...onda guc vonja iz buže o'sunpora...pa kad in se počme mantat u tintaru onda sidu za lipe pletene foteje i počnu čagod užinavat oli popit...eeee, judi moji kad van se ti furešti vratidu doma i kad svojima ispričaju štoriju o najlipšoj RIVI na svitu...e onda čemo mi bit ponosni ka pauni...jerbo če nan bit drago da nan cinu naš trud i povjest...
#...ajmo sad do GETA ovi putokazi su samo taki...divota...a ove tabele sa litratima o palačan...je odraz naše kulture i skidan kapu gradu ča je napravija ovaki način prezentiranja...ovi otel kraj srebreni vrat je meni po guštu jednostavnih je linija neupadjiv i sa bojon koja ne kriči...a ovi drugi litrati su za purgere...i njiove trabante...sve one ča krojidu naš dalmatinski život...neka malo pate...
dalmacija moja inspiracija
